مين اللى قادر وافترى .. إبن اللئام؟
مين اللى مانع عننا حتى المنام؟
باع الضمير واشترى غراب إسود .. بدل الحمام
....................
غزّا الغراب وأكله من لحم أخوه
باع الإخوة وضيع وصية أبوه
لما قال له الغراب دا أعدى أعدائك
ربا الغراب وقال لحراسه
لما يجوع من لحم أخويا إدوه
.....................
بكرة يجيلك يوم تبكى عنيك بالدم
يكون عليك الدور تشيل يا صاحبى الهم
تقعد تدور على أخ يشيل همّك
لكن الغراب كان كل أخوك وإبن العم
دلوقتى يا حسرتك صعبة عليك الآه
محمد أنور أبوزكرى
ليست هناك تعليقات:
إرسال تعليق
علق هنا